НБА

Милвоки го исфрли Бруклин во драматична мајсторка (ВИДЕО)

Милвоки го победи Бруклин со 115-111 во натпревар кој се решаваше по продолжение, Дурент имаше фантастична партија, но таа не беше доволна за пласман во конференциското финале. 

Дрим-тимот на Бруклин изгледаше импресивно на повеќето од натпреварите оваа сезона, но синоќа беше запрен од Милвоки кој ја доби серијата со 4-3.
 
Првпат во последниве 15 години се случи да се играат продолженија во седми натпревар од плејоф-серија, а за тоа беше заслужен Кевин Дурент. Најголемата ѕвезда на Нетс направи потег кој можеше да значи и директно финале за неговиот тим, меѓутоа сантиметри пресудија дека драмата треба да продолжи. Во финишот на четвртиот период Миловки водеше со 109-107, пропуштајќи напад да го реши мечот и оставајќи му на домаќинот околу пет секунди за да се спаси.
 
Дурент ја зеде топката и стигна да бие од далечина и да погоди. Проблемот беше што на повторената снимка судиите утврдија дека гази на линијата за три поени, па кошот не му донесе победа на Бруклин, туку продолжение. 
 
Во продолженијата и двете екипи одиграа катастрофално лошо, Бруклин постигна само два поени, па шестте поени на Милвоки беа сосема доволни за победа од 115-111.
 
Најдобар на теренот беше Дурент со 48 поени и девет скокови, Харден постигна 22 поени со девет скокови и девет асистенции. Но овој учинок за двете ѕвезди беше и последен оваа сезона.
 
Во победничкиот тим Адетокумбо постгна 40 поени, имаше и 13 скокови, дабл-дабл учинок забележа и Мидлтон со 23 поени и 10 скокови.
 
Милвоки во финалето на истокот го чека победникот од дуелот меѓу Филаделфија и Атланта кои вечерва играа мајсторка.
 

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе