НБА

Клиперс се врати од -28 и го победи Бостон, Оклахома имаше -26 и славеше голем триумф против Хјустон (ВИДЕО)

Ноќ на големи пресврти во НБА, Лос Анџелес Клиперс победи на гостувањето кај Бостон со убедливи 123:112 иако имаше негатива од 28 поени, на сличен начин и Оклахома славеше кај Хјустон со 117:112.

Бостон на свој терен одлично го почна мечот против Клиперс, на два пати во вториот период имаа водство и од 28 разлика но на крајот се случи неверојатен пресврт и на победа се радуваа гостите од Лос Анџелес. Една од причините за поразот е и повредата на Кајри Ирвинг кој пред време го заврши натпреварот.

Харел со 21 поен беше најефикасен во составот на Клиперс, Хајвард постигна 19 коша за екипата на Бостон.

Слично беше и на мечот меѓу Хјустон и Оклахома каде домаќините имаа водство од 26 рзлика и го прокоцкаа. Пол Џорџ и Расел Вестбрук беа расположени за игра.

Расел Вестбрук забележа нов трипл-дабал, деветти во серија и го изедначи рекордот на Вилт Чембрлејн, постигна 21 поен, имаше 12 скока и 11 асистенции.

Најдобар беше Пол Џорџ со 45 поени, имаше и 11 скока. Во составот на Хјустон уште една блескава партија имаше Џејмс Харден со 42 поени. Тоа беше 29. меч по ред на кој постигнува повеќе од 30 поени.