НБА

Јокиќ со трипл-дабл го предводеше Денвер до победа, Лејкерс го заверија првото место на западот (ВИДЕО)

Денвер по продолжение ја совлада Оклахома со 121:113, а Никол Јокиќ дојде до својот 41 трипл-дабл во кариерата, Лос Анџелес Лејкерс со 116:108 ја победи Јута Џез и веќе го завери првото место во западната конференција.

Денвер и Оклахома одиграа неизвесен меч кој во регуларниот дел заврши нерешено 109:109. Но во продолжението од пет минути Денвер беше многу подобар, Оклахома за тој период постигна неверојатни четири поени со кои не можеше да се надева на ништо друго освен пораз.

Нагетс на крајот славеа победа од 121:113, а Никола Јокиќ запиша нов трипл-дабл, вкупни 41 во НБА кариерата.

Јокиќ реализираше 30 поени, имаше 12 скокови и десет аситенции, неговиот соиграч Портер беше најефикасен на мечот со 37 поени, најмногу за него во кариерата.

Лос Анџелес Лејкерс со 116-108 дојде до триумф над Јута Џез, со овој триумф на пет кола до крајот го заверија првото место во западот бидејќи имаат шест победи повеќе од Клиперс.

Ентони Дејвис беше ѕвездата на вечерта во составот на Лејкерс, тој постигна 42 поени, имаше и 12 скокови, Леброн Џејмс реализираше 22 поени. Во составот на Јута, Мичел постигна 33.