Димитријевиќ повторно одби да игра за репрезентацијата

Бајиќ: На Димитријевиќ на 23 години му е тешко да игра за Македонија, нека ги погледне Пандев и Лазаров

Селекторот на македонската кошаркарска репрезентација, Драган Бајиќ е разочаран што Ненад Димитријевиќ не одговори на повикот за претквалификациските натпревари за СП 2023. 

Ненад Димитријевиќ повторно одбегнува повик за македонската кошаркарска репрезентација, најпрво рекол дека ќе задоцни, но потоа воопшто не се појавил.
 
Селекторот Драган Бајиќ на денешната прес-конференција го искажа разочарувањето од односот на Димитријевиќ.
 
„Ненад Димитријевиќ, сакам да ја објаснам целата ситуација за да нема дамки околу моето име. Контактирав со него, му кажав дека сакам да биде лидер на оваа репрезентација во следните десетина години. Реков дека е исклучително потребен за да се пласираме во квалификациите. Му реков дека е можно да му дадам одмор понатаму. Јас подоцна имав повик само од неговиот менаџер кој побара Нено да се појави на 28 јули бидејќи имал тешка сезона“, вели Бајиќ.
 
„Јас поминав преку некои свои принципи, во слична ситуација беше Вајли кој исто така дојде подоцна поради лични проблеми. Несфатливо ми е некој со 23 години да бара одмор, а 36-годишниот Бојан Трајковски доаѓа на секој тренинг и работи како да има 20. Следна работа беше тоа што јас бев известен од луѓето во Федерацијата дека Димитријевиќ нема да се појави на тренинзите. Јас нема ни да тужам, ни да барам причини, толку е од мене, тој не ме удостои да ми се јави и да ми ги каже причините поради кои не дојде. Ја има македонската јавност да ѝ објасни“.
 
„Го имате Горан Пандев кому не му е тешко на 37 години да игра за репрезентацијата, го имате Кирил Лазаров кој во петтата деценија гине за репрезентацијата, можеби треба да им објасни на нив“.
 
Покрај Димитријевиќ, во составот ќе нема уште неколку важни кошаркари.
 
„Момчето што е во САД (Андреј Јакимовски н.з.) имаше операција на препоните и неговата рехабилитација трае 6-7 недели и знам дека тој сакаше, но не можеше да се приклучи на репрезентацијата. Војдан Стојановски е повреден, не игра повеќе месеци, Дамјан разговараше со мене, имаше приватни причини, Дарко Соколов смета дека можеби неговото време во репрезентацијата поминало и сите имаме разбирање за него. Сметав и на Николовски, но и тој е повреден, Младеновски се појави на почетокот на подготовките, има повреда на зглобот. Стојан Ѓуроски ми се јави уште додека бев дома, знам дека сакаше да помгне, но е повреден“.
 
На претквалификацискиот турнир во Скопје, Македонија ќе одигра четири натпревари:
 
12. август– 19.00: Македонија – Швајцарија
14. август – 19.00: Словачка – Македонија
16. август – 19.00: Швајцарија – Македонија
18. август - 19.00: Македонија - Словачка

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе