Лига на шампиони

Жиру со „ножички“ му донесе победа на Челси, Баерн Минхен е пресилен за Лацио (ВИДЕО)

Челси со 1-0 го победи Атлетико Мадрид благодарение на супер гол на Оливие Жиру, Баерн Минхен со 4-1 славеше над Лацио во Рим. 

Атлетико Мадрид го пречека Челси во Букурешт, а овој град не се покажа како среќно место за тимот на Симеоне.
 
Натпреварот како што и се очекуваше не изобилуваше со голови, клучниот момент се случи во 71. минута, а во главна улога беше Оливие Жиру.
 
Топката до Жиру дојде од играч на Атлетико Мадрид, а тој со совршени ножички ја удри топката и таа заврши зад грбот на Облак.
 
Челси оствари голем резултат кој му носи убава предност пред реваншот.

Ако Челси дојде до убава предност, може да се каже дека Баерн Минхен уште вечерва може да слави четвртфинале откако со 4-1 победи на гостувањето кај Лацио.
 
Резултатот беше отворен уште во деветата минута кога Левандовски искористи една грешка на домаќините и погоди за водство од 1-0.
 
Во 24. минута младиот Мусиала погоди предност на Баерн од 2-0, а пред крајот на првиот дел Сане реализираше и за 3-0.
 
Само две минути игра во второто полувреме беа потребни за Баварците да дојдат и до 4-0, а стрелец на голот беше Ачерби кој ја затресе сопствената мрежа. Во 49. минута Кореа конечно донесе радост за Лацио и ги постави конечните 1-4.

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе