Му здодеало од замислите на Пеп

Жесус откри зошто се решил за трансфер во Арсенал: Или играте како што замислил Гвардиола, или си одите

Габриел Жесус во разговор со ЕСПН откри зошто го заменил Манчестер Сити со Арсенал, му здодеало да игра под замислите на Пеп Гвардиола.

По пет години на Етихад, Габриел Жесус реши да го напушти шампионот на Англија за нов предизвик и трансфер во Арсенал вреден 45 милиони фунти.

Во разговор со ЕСПН, Бразилецот ја образложи својата одлука и вели дека му здодеало да игра под замислите на Пеп Гвардиола.

„Гвардиола го разбира фудбалот на свој начин и бара да играте така, на вас е дали ќе го прифатите тоа или нема. Доколку не го прифатите, „благодарам и ајде по нов предизвик“. Едно време го прифаќав, но дојде момент кога си реков, „сакам нешто друго“. Му се заблагодарив, тој ме разбра и продолживме секој по својот пат“ – вели напаѓачот.

„Тука во Арсенал е различно, различни играчи, различен стил на игра“.

„Во Сити беше многу поинаку. Напаѓачот не ја допира топката толку многу. А и кога доаѓа време да се допре топката не ја допира напаѓачот бидејќи Гвардиола става фудбалер од средниот ред да игра таму. Па одлучив дека ми треба промена, разговарав со Артета за стилот во Арсенал, се познаваме добро, разбирам што бара од мене“.

„Сега сум слободен на теренот, играм со насмевка на лицето“.

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе