Премиерлига

Вернер и Хаверц почнаа да даваат голови, но џабе кога Челси има лоша одбрана (ВИДЕО)

Уште еден супер ефикасен меч во Премиерлигата, Челси и Саутемптон одиграа 3-3, дуото од Бундеслигата Вернер и Хаверц почна да биде ефикасно, но одбраната на сините беше на подпросечно ниво. 

Челси фрли доста пари во преодниот рок, но се засилуваше претежно во офанзивата иако им беше потребен и централен дефанзивец, сега тоа се покажува како проблем за тимот на Лампард.
 
Сините одлично го почнаа мечот, по убав паз на Чилвел, Вернер во 15. минута даде гол, тој погоди и 13 минути подоцна за водство од 2-0.
 
Пред крајот на првото полувреме Хаверц изгуби една топка во средината на теренот, Саутемптон казни, Ингс погоди и намали на 2-1.
 
Во 57. минута катастрофална грешка на одбраната на Челси, Зума врати една топка до Кепа кој ја промаши, следуваше мешаница пред неговиот гол каде најдобро се снајде Адамс за израмнување на 2-2.
 
Но, само две минути подоцна Вернер асистира до Хаверц кој постигнува гол и го враќа водството на Челси од 3-2.
 
Кога се очекуваше дека Челси ќе победи, Волкот шутираше, Вестергард ја удри топката со глава и погоди за конечни 3-3. Уште една лоша интервенција во одбраната на домаќините.

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе