ПМФЛ

Вардар сигурен против Беласица, Шкендија го победи Пелистер во Битола, пораз на Шкупи во Струга

Вардар ја оправда улогата на фаворит против Барселона и победи со 3-1, со истиот резултат Шкендија славеше на гостувањето кај Пелистер, Шкупи со 2-0 загуби од Струга Трим Лум. 

Фото: ФК Вардар
Денешниот меч против Беласица, Вардар го играше на стадионот на тренинг кампот „Петар Милошевски“, црвено-црните дојдоа до третата победа а на Беласица и го нанесоа седмиот пораз оваа сезона.
 
Вардар поведе преку Мирчевски уште во шестата минута, а десет минути подоцна Петровиќ зголеми на 2-0. Да Силва ја врати Беласица во игра во 56. минута, но Петковски во 73. стави крај на сите дилеми околу победникот поставувајќи ги конечните 3-1.
 
Пелистер добро го почна мечот со Шкендија, поведе уште во петтата минута со гол на Танушев, тетовскиот тим изедначи во 23. минута преку Ахмеди. Во 69. минута Дориев донесе водство за Шкендија, а Ибраими на пет минути до крајот ги постави конечните 3-1.
 
Со 3-1 заврши уште еден меч, Македонија Ѓорче Петров победи на гостувањето кај Ренова. Петров во 11. Емини во 41. и Воша во 93. минута беа стрелци за скопскиот тим, Гавазај во 90. погоди за Ренова.
 
Струга Трим Лум со два гола на Лена го победи Шкупи со 2-0, Академија Пандев со гол на Маркоски на десетина минути до крајот го победи Силекс.
 
По седум одиграни кола Шкендија е осамена на врвот со 17 бодови, Шкупи и Македонија ЃП имаат по 13, Борец 12. На петтото место е Струга ТЛ со 11 бодови, а по десет бода имаат Силекс, Работнички и Вардар. Пелистер има бод помалку од црвено-црните, Академија Пандев е десетта со шест бода, Ренова има пет, а Беласица е последна без освоен бод.
 

Легенда под Главна слика

Фото: ФК Вардар

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе