Вардар три пати ја тресеше мрежата на Ренова, но и тоа не беше доволно за да дојде до трите бода, слично како и во Битола, и овој пат во финишот беше прокоцкан триумфот.
Мечот почна идеално за Вардар, по 13 минути со головите на Мирчевски и Попзлатанов водеа со 2-0, во 28 минута, Ренова со погодок на Селмани намали на 2-1.
Во 40. минута Петковски постигна гол и го врати водството од два разлика на Вардар, но две минути подоцна Велија реализираше за 3-2. Во 90. минута Ренова преку Јашароски ги постави конечните 3-3.
Нерешено заврши и мечот меѓу Шкендија и Работнички. Домаќините водеа со 1-0 со гол на Ибраими во 16. минута, Станковски во 51. донесе бод за Работнички.
Шкупи со гол на Исени во 53. минута го победи Силекс со 1-0.
Победа во судиското продолжение испушти Струга Трим Лум. Тие со гол на Лена од 77. минута водеа со 1-0 во Битола против Пелистер, но Хот во 91. донесе реми за битолчани.
Македонија Ѓорче Петров со 3-1 ја совлада Академија Пандев. Воша, Мишевски и Калид ги постигнаа головите за домаќините, Маслаќ реализираше за гостите.
Беласица го освои вториот бод оваа сезона откако одигра 2-2 против Борец. Каланоски и Сулев погодија за струмичкиот тим, Ростовски и Прелчец реализира за Борец.
Табела:
1. Шкендија 22
2. Шкупи 22
3. Македонија ЃП 19
4. Борец 16
5. Струга Трим Лум 15
6. Силекс 14
7. Работнички 12
8. Пелистер 12
9. Вардар 12
10. Ренова 8
11. Академија Пандев 7
12. Беласица 2
Легенда под Главна слика
Фото: ФК Шкендија
