Премиерлига

Тотнем го понижи Манчестер јунајтед на Олд Трафорд, кошмарен ден за Солшер (ВИДЕО)

Тотнем со неверојатни 6-1 го победи Манчестер јунајтед на Олд Трафорд, Жозе Мурињо не само што ја доби битката против својот поранешен клуб, туку го понижи како ретко кој. 

Тежок, многу тежок пораз за Оле Гунар Солшер и Манчестер јунајтед, Давид Де Хеа дури шест пати ја вадеше топката од својата мрежа.
 
Натпреварот почна спектакуларно, уште по 30. секунда Манчестер јунајтед доби пенал по фаул врз Марсијал. Фернандеш погоди за водство од 1-0.
 
Но само пет минути подоцна Тотнем водеше, Ндомбеле во четвртата минута израмни на 1-1, а Сон во седмата погоди за комплетен пресврт и предност од 2-1.
 
Во 28. минута се случи контроверзен момент, Марсијал престрого беше исклучен по еден дуел без топка со Ламела. Аргентинецот прв го удри французинот, но играчот на Јунајтед го извлече подебелиот крај од судијата Тејлор.
 
Две минути подоцна Хари Кејн по асистенција од Сон постигна за водство од 3-1, веќе беше јасно како ќе се одвива мечот.
 
Во 37. минута нов гол на Сон, тимот на Мурињо имаше предност од 4-1 по првото полувреме.
 
Во второто полувреме Тотнем го намали темпото, но и покрај тоа постигна уште два гола, Орие погоди за 5-1, а конечните 6-1 ги постави Хари Кејн од пенал.
 
Тешки денови за фановите на Манчестер јунајтед, во два натпревари на Олд Трафорд примија дури девет голови, нивниот тим освои само три бода од три кола со гол разлика од 5-11.

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе