Бенфика ја извести берзата за рекордната понуда

Тинејџерот Жоао Феликс влегува во топ 5 најскапи фудбалери, Атлетико понуди 126 милиони евра

19 годишниот Жоао Феликс е на чекор до рекорден трансфер во Атлетико Мадрид откако Бенфика соопшти дека пристигнала понуда вредна 126 милиони евра.

Жоао Феликс наскоро ќе испише историја, ќе влезе во топ 5 најскапи фудбалери во светот и ќе стане најскапиот Португалец. Тинејџерот ќе го надмине легендарниот Кристијано Роналдо и за 126 милиони евра ќе се пресели во Атлетико Мадрид.

Бенфика доцна вечерва ја извести берзата дека добила официјална понуда, и ова е прв чекор кон официјализирање на зделката.

„Орлите“ од Лисабон појаснуваат дека од понудената сума, 120 милиони (колку што изнесува откупната клаузула) се наменети за купување на 19 годишниот Жоао Феликс а 6 милиони евра за покривање на финансиските трошоци за зделката.

Се очекува во следните денови да бидат финализирани сите детали и Атлетико Мадрид да го потврди трансферот на перспективниот фудбалер.

Зрелоста на еден народ е да препознае кога протестите за замена му ги продаваат како протести за промена. 

повеќе

Толку убава, чиста земја, богата со шуми, планини и природни ресурси ја претворивме во Мордор.

повеќе

Сè повеќе се зборува за диверзификација на приходите, наместо фаворизирање само еден извор на финансирање.

повеќе