Квалификации за СП 2022

Судбината е во наши раце, Македонија вечерва го прави последниот чекор кон баражот за СП

Македонската фудбалска репрезентација денеска со почеток од 18 часот го игра последниот квалификациски меч, дуелот со Исланд кој може да ни донесе историски успех, пласман во бараж за СП. 

Фото: ФФМ
Резултатите од минатото коло ја ставија Македонија во позиција сама да решава за својата иднина, во четвртокот му се заблагодаривме на Исланд за настапот во Букурешт, но денеска треба да го победиме.
 
Македонија има поквалитетен состав, играта против Ерменија влева надеж дека денешната задача ќе завршиме без проблем, но Исланд има одлични поединци кои никако не смеат да се потценат.
 
Нашите фудбалери ќе имаат ветар во грб и од публиката, билетите се продадени, Арената „Тодор Проески“ ќе биде полна со половина од капацитетот колку што дозволуваат властите.
 
Составот се очекува да претрпи само една промена, на позицијата десен бек се враќа Стефан Ристовски, Ашковски би требало да биде прекомандуван на лево крило, а Костадинов ќе седне на клупата.
 
„Судбината е во наши раце се надеваме дека пред македонската публика ќе успееме да дојдеме до таа посакувана победа. Исланд е тука да игра фудбал, имаат одлични индивидуалци кои играат во одлични клубови, знаеме за каква репрезентација станува збор, но подготвени сме“, изјави капитенот Ристовски.
 
Селекторот Милевски вели дека не чувствуваат никаков притисок што ќе играат меч кој мора да се победи.
 
„Не чувствуваме притисок, секако дека е подобро да решаваш сам отколку да чекаш од друг. Публиката ќе ни даде ветар во грб, нејзиното присуство нема да ни создаде дополнителен притисок. Очекувам сосема поинаков натпевар против Исланд, подготвени сме, се надевам дека ќе одговориме на предизвикот. Со ладни глави, но со жешки срца. Ќе дадме максимум за да победиме и да одиме во бараж“, вели Милевски
 
Доколку Македонија ја оствари целта и го победи Исланд, ќе го направи најголемиот успех досега во едни квалификации.
 

Легенда под Главна слика

Фото: ФФМ

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе