ПМФЛ

Струга ја прекина серијата на Вардар, прв пораз по 12 меча

Лидерот во Првата македонска лига, Вардар денеска беше поразен на гостувањето кај Струга Трум Лум со 2-1, ова беше прв пораз на црвено-црните по серија од 12 меча без загубен меч. 

Заврши серијата на Вардар без пораз која беше започната уште од второто коло, лидерот на табелата беше поразен на гостувањето кај Струга.
 
Вардар при резултатот од 0-0 имаше две одлични шанси, но Попзлатанов и Мицевски не успеаа да реализираат. Казната стигна преку Кировски кој со глава погоди за водство на Струга од 1-0. 
 
Аврамовски пропушти голема шанса за изедначување, ја погоди пречката од голот на Струга, а во самиот финиш од првото полувреме казни Тафе кој погоди за 2-0.
 
На 12. минути пред крајот Дарко Мицевски погоди од пенал, го намали резултатот на 2-1 и го врати Вардар во игра, но лидерот не успеа да избегне пораз со уште еден гол до крајот на мечот.
 
Академија Пандев не го искористи во целост поразот на Вардар, одигра 1-1 на гостувањето кај Ренова. Водеа со гол на Сашко Пандев во осмата минута, изедначи Адеми на 15 минути до крајот.
 
Силекс со гол на Жеравица уште во третата минута го победи Шкупи со 1-0.
 
1-1 одиграа Борец и Македонија Ѓорче Петров, и двата гола беа постигнати во првото полувреме. Гостите водеа со гол на Божиновски, а Прелчец во судиското продолжение од првиот дел изедначи на 1-1.
 
Утре се комплетира колото со мечот меѓу Работнички и Шкендија.
 
Табела:
 
1. Вардар 30 
2. Академија Пандев 26
3. Силекс 21
4. Шкендија 18 (-1)
5. Шкупи 18
6. Македонија ЃП 18
7. Струга ТЛ 18
8. Ренова 15
9. Борец 15
10. Работнички 11 (-1)

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе