Столе Димитриевски доби четири натпревари суспензија за навреда на судијата и зборот „макро“

Столе Димитриевски во средата предвреме беше испратен на ладење против Леганес, претера со приговорите кон судијата па набрзина доби жолт и црвен картон.

Во записникот стои дека Македонецот го користел зборот „chulo“ кој во одредена конотација значи „макро“.

Дисциплинската комисија денеска одлучуваше за казната, немаше милост за голманот и му изрече четири натпревари суспензија.

Тоа значи дека 2020 е завршена за Столе Димитриевски, тој ќе ги пропушти мечевите со Логроњес, Лас Палмас, Жирона и Алкоркон. За очекување е да се врати на голот на Рајо на 10. јануари и средбата со Мирандес.