Квалификации за ЕП 2020

Стојановски со деби гол го поправи впечатокот, Австрија со 2-1 ја совлада подмладената Македонија (ВИДЕО)

Австрија ги реши сите дилеми и се пласираше на Европското првенство откако вечерва со 2-1 ја совлада Македонија во Виена, Влатко Стојановски со последниот свиреж го поправи впечатокот на „црвено-жолтите".

Македонија и математички нема шанси за ЕВРО 2020 преку квалификациите, и шансата за историски пласман на континенталниот собир ќе бркаме преку баражот на Лигата на нации. Вечерва Австрија ги реши сите дилеми откако славеше со 2-1 против подмладениот тим на „црвено-жолтите“.

Игор Ангеловски направи големи измени за дуелот со Австрија, шанса даде на неколку млади играчи, па невоиграноста беше голем проблем на стартот од мечот. Токму едно невнимание во одбраната беше искористено од Давид Алаба, кој го помина Димитриевски и реализираше за 1-0 во 8. минута.

Домаќините потоа имаа уште неколку шанси благодарејќи на лошата поставеност на последниот ред, но неа беа спретни во завршницата. Како одминуваше времето, нашите репрезентативци имаа се поголема самодоверба и во финишот на првиот дел беа креирани две убави акции но за жал изостана завршен шут.

На стартот од вториот дел, Австрија зголеми на 2-0 по една мешаница од корнер и тука веќе беа решени сите дилеми. Но тоа не ги спречи фудбалерите на Македонија да покажат дека имаат што да понуда, Енис Барди си ја проба среќата и од корнер директно биеше на првата статива, но Шлагер беше на вистината на задачата. Влатко Стојановски не искористи две одлични шанси, во првата биеше крај стативата а во втората му одбрани Шлагер.

Сепак, третата среќа го поска напаѓачот на Ним кој во последните секунди од мечот погоди со глава од прекин за да го поправи впечатокот, го постигна деби голот во дресот на репрезентацијата и ги постави конечните 2-1.

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе