Манчестер јунајтед

Солшер не се откажува, бил во Австрија и Норвешка во обид да го убеди Халанд да се пресели на Олд Трафорд

Тренерот на Манчестер јунајтед, Оле Гунар Солшер бил до Салцбург и Ставангер со цел да го договара трансферот на Ерлинг Халанд. 

Напаѓачот на Салцбург, Ерлинг Халанд е вистинска сензација, тој е мета на големите клубови а еден од најсериозно заинтересираните е Манчестер јунајтед.
 
Норвешкиот медиум „ВГ“ откри дека Солшер во петокот наутро летнал до Салцбург за да се види со фудбалерот и неговите претставници. Потоа се вратил во Манчестер и веднаш заминал за Норвешка, во градот Ставангер каде што е таткото на фудбалерот.
 
„Се надевам дека ќе ме разберете дека не можам да коментирам на сите шпекулации кои се појавуваат“, изјавил таткото на Халанд запрашан дали имал состанок со Солшер.
 
Дали ваквата тактика за непосредна средба со сите страни ќе му помогне на Солшер да го донесе Халанд во Манчестер јунајтед ќе видиме.
 
Напаѓачот на почетокот од оваа недела ги посети тренинг центрите на Борусија Дортмунд и РБ Лајпциг, се поврзува силно и со трансфер во Бундеслигата.
 
Интересот за него е голем, а трансфер може да се случи уште во јануари бидејќи Салцбург испадна од Лигата на шампионите.

Оваа администрација нема намера Скопје во догледна иднина да стане одржлив зелен град и тоа е јасно одразено во буџетот за 2020 година.

повеќе

Излегува дека само Македонците на овој свет се должни пред сè да се грижат за правата на сите други луѓе и на крајот да размислуваат (но само да размислуваат) за себе.

повеќе

Интернационалистички, универзалистички и солидарен пристап е единствениот начин да се надмине еколошката и климатска криза, во регионот и пошироко.

повеќе