Португалецот доби двојно поголема плата од онаа на Покетино

„Скржавиот“ Леви го направи Мурињо вториот најплатен тренер во светот, човек од сенка клучен во преговорите

Жозе Мурињо по 11 месеци без работа ќе му се врати на фудбалот, Португалецот го превзема кормилото на Тотнем и ќе стане вториот најплатен тренер во светот со годишна плата од 15 милиони фунти откако во зделката замешал прсти супер-агентот Пини Захави.

„Специјалниот“ се враќа крај аут линијата, Жозе Мурињо утрово беше именуван за нов тренер на Тотнем откако „спарси“ синоќа се разделија со Маурисио Покетино.

Португалецот е застапуван од неговиот сонародник и еден од најпознатите агенти во светот на фудбалот, Жорж Мендеш, но за оваа зделка клучна улога имал супер-агентот Пини Захави, без кого очигледно не се може кога се прави голем бизнис.

Првиот човек на Тотнем, Даниел Леви важи за тежок преговарач и „скржавец“, но тој не само што бил убеден дека Жозе Мурињо е правиот човек за „спарси“, бил принуден длабоко да бркне во џебот, да одвои двојно поголема плата од онаа која му ја даваше на Маурисио Покетино, одноно 15 милиони фунти годишно и да го направи „специјалниот“ вториот најплатен тренер во светот.

Првиот контакт помеѓу Пини Захави и Даниел Леви се случил пред три недели, Израелецот му објаснил на претседателот на Тотнем како Жозе Мурињо е идеален човек за оваа работа, дека ќе донесе победнички менталитет кој недостасува во овој момент и како одново ќе им ја врати самодовербата на играчите.

Минатата недела имало состанок лице во лице помеѓу Даниел Леви и Жозе Мурињо на која стратегот го презентирал својот план, стилот на игра и трансфер целите за во иднина. Португалецот верува дека тимот е силен но игра под можностите и има потенцијал за многу подобри резултати. Тој сепак побарал пари на располагање доколку сака нешто да промени во јануари.

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе

Наместо да седнат заедничи и оние од власта и оние од опозицијата и да се договорат околу стратегијата за борбата со најголемата опасност, тие мудруваат и кажуваат бајки.

повеќе