ФК Шкендија

Шкендија се засили со португалски фудбалер

Шкендија потпиша со офанзивниот крилен фудбалер 25-годишниот Алдаир Сапало Амаро Нето. 

Шкендија го потврди ангажманот на Португалецот, Алдаир Нето кој доаѓа како засилување за офанзивата.
 
„Шкендија може да го потврди Алдаир Нето. Се работи за 25-годишен Португалец кој потпиша договор за следните шест месеци со опција за уште две години во зависност од перформансите на фудбалерот во пролетниот дел од сезоната“, стои во соопштението на Шкендија.
 
Алдаир Нето бил дел од еднонеделниот камп организиран од Шкендија во декември брзо по крајот на полусезоната. Од 29 фудбалери колку што биле на селективниот камп, Нето се издвојувал и затоа добил договор од тетовскиот клуб.
 
„Чест ми е и се надевам дека ќе играм добро тука. Верувам во позитивни работи и затоа сакам да им се заблагодарам на клубот и претседателството кои покажаа доверба во мене. Бев тука една недела. Работите се одвиваа добро. Ми се допаѓа начинот на кој игра тимот, знам дека се работи за добар клуб. Првиот ден кога дојдов во Македонија го гледав мечот против Вардар и водов дека имаме многу добар тим. Мислам дека ова ќе биде вистински предизвик за мене“, изјави Нето.
 
Тој доаѓа од велшкото првенство каде играше за Бангор Сити. Во раните младински денови бил член на Брага од Португалија, потоа заминал за Фатима, па играл четири години за Маритимо.
 
Нето е трето засилување за Шкендија во јануарскиот преоден рок, претходно со клубот потпишаа Ардин Далку и Валон Ахмеди.

И покрај тврдењата на американскиот претседател Доналд Трамп, американската разузнавачка заедница веќе долго време ја смета појавата на пандемии како една од најголемите закани.

повеќе

Кога ќе заврши пандемијата, очекувајте државите да се вратат со поголема власт и поголем легитимитет.

повеќе