Лига на шампиони

Шахтар го шокираше Реал во Мадрид, кралскиот клуб прими три гола во едно полувреме (ВИДЕО)

Шахтар со 3-2 го победи Реал Мадрид на „Алфредо Ди Стефано“, кралскиот клуб постигна гол во судиското продолжение кој оправдано му беше поништен поради офсајд. 

Реал Мадрид беше фаворит во дуелот со Шахтар, но украинскиот тим имаше магично прво полувреме во кое постигна три гола.
 
Отсуството на Серхио Рамос во тимот беше повеќе од очигледно, одбраната на Реал Мадрид не беше на потребното ниво.
 
Шахтар поведе во 29. минута со гол на Тете, а четири минути подоцна Варан си постигна несреќен автогол за 0-2. Пред крајот на првото полувреме по една убава акција Соломон даде гол за неверојатни 3-0.
 
Шокантниот резултат од првиот дел го ублажи Модриќ со прекрасен гол од далечина во 54. минута, а пет минути подоцна Винисиус постигна гол само неколку секунди по своето влегување за 2-3.
 
Реал Мадрид имаше уште половина час да направи пресврт или барем да се спаси од пораз, но не успеа ниту во едно од тие. Домаќините погодија во 92. минута но ВАР им го поништи голот поради офсајд.
 
Ефикасно беше и на мечот меѓу Салцбург и Локомотив Москва кој заврши нерешено 2-2

Структурното насилство кон трансродовите и родово небинарните луѓе е препрека во нивното реализирање како полноправни членови на општеството.

повеќе

И сега вие замислете, на едно детенце од 6 години да му кажувате со авторитет на наставник дека не треба да се дефинира како машко или женско.

повеќе

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе