Десет дена за ангажман на нов напаѓач

Сетиен бара замена за повредениот Суарез, Барса разгледува неколку опции

Медиумите од Шпанија пишуваат дека Кике Сетиен побарал од раководството на Барселона да биде ангажиран нов напаѓач овој месец, на врвот на листата со желби се Пјер Емерик Обамејанг, Родриго и Тимо Вернер.

„Каталонците“ не планираа да пазарат во јануари, но повредата на Луис Суарез ги менува работите. Уругваецот ќе биде надвор од терените околу четири месеци и практично за него е завршена сезоната, па Кике Сетиен бара нов напаѓач за да се задржат високите апсирации и триумф во Ла Лига и Лигата на шампионите.

Новиот тренер на Барселона во понеделникот имал разговор со раководството на клубот и било договорено да се види што може да се направи во преостанатите десет дена од зимскиот преоден рок.

Според пишувањата на Мундо Депортиво, на листата со желби има неколку имиња а при врвот се наоѓаат Пјер Емерик Обамејанг од Арсенал и Родриго од Валенсија. Спорт пак пренесува дека Тимо Вернер од РБ Лајпциг е опција.

Проблем е што овие играчи чинат многу, а и нивните клубови тешко ќе сакаат да се разделат сред сезона.

Алтернатива е да се донесе напаѓач како Оливиер Жиру, Фернандо Љоренте и Криштоф Пјонтек, кои се на пазарот овој месец, но Барселона нема убави спомени од ваква зделка, минатата година беше ангажиран Кевин Принц Боатенг, кој се покажа како промашување.

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе