Серија А ако треба ќе се игра и во август

Претседателот на Фудбалската федерација на Италија, Габриеле Гравина ја отфрла идејата сезоната во Серија А да биде завршена предвреме. 

Ситуацијата со коронавирусот не стивнува, но се очекува состојбата полека да почне да се стабилизира. Сепак никој не може да прогнозира кога комплетно ќе стивне и Италија ќе може нормално да функционира.
 
Преместувањето на Европското првенство и Олимписките игри дава можност сезоната во домашните првенства да се заврши доцна, а тоа ги зголемува шансите регуларно да бидат прогласени шампионите.
 
„Додека можам ќе се борам, не ја губам надежта дека сезоната ќе продолжи. Ќе направам сè за тоа да се случи. Не се предавам лесно“, вели претседателот на Фудбалската федерација на Италија, Габриеле Гравина.
 
„Свесен сум дека се уште е рано да мислиме на датум, но мора да размислуваме позитивно. Ако треба ќе играме и во јули и август“.
 
„Во овој момент нема простор за индивидуални интереси. Утре имаме нов состанок со владата, ќе работиме на серија мерки кои можат да им помогнат на клубовите во оваа кризна ситуација“.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе