Претседателот испратил честитки и благодарност

Селекторот на Русија на кратко го прекинал пресот, добил повик од Путин!

Предводникот на „Зборнајата", Станислав Черчесов морал на кратко да ја прекине прес конференцијата по триумфот над Саудиска Арабија, добил телефонски повик од претседателот Владимир Путин

Русија одлично го започна мундијалот, домаќинот со убедливи 5-0 славеше против Саудиска Арабија. Триумфот дојде пред очите на Владимир Путин, кој од ложата на Лужники го следеше мечот заедно со принцот на Саудиска Арабија, Мохамад бин Салман и првиот човек на ФИФА, Џани Инфантино.

Претседателот на Русија делуваше прилично расположен, па по крајот на мечот лично му се јавил на селекторот за да му ги пренесе своите импресии.

Повикот за Станислав Черчесов сепак дошол во малку незгоден момент бидејќи тој само што се појавил на прес конференцијата. Со оглед на тоа дека не може да го одбие Владимир Путин, стратегот на кратко ја напуштил просторијата, а откако се вратил на новинарите им рекол: „ Тоа беше првиот човек на државата, ми честиташе за победата, ми кажа на момците да им ја пренесам неговата благодарност за добриот меч и да продолжиме така и во иднина“.

Новинарите на хрватски ТРИС се приклучија во патувачкиот новинарски карван до земјата без име.

повеќе

Лидерството на опозициската ВМРО-ДПМНЕ мора да излезе јавно, на прес конференција, заедно со сите пратеници, и да објават прекин на секакво понатамошно учество во дискусија на собраниската седница.

повеќе

Според Агенцијата за вработување, најмногу невработени има меѓу дипломираните правници, економисти, професори по одделенска настава на македонски и албански јазик и социјални работници. 

повеќе