Ќе се проверува дали се прекршени правилата

Се зголемува притисокот врз Реал, Барса и Јуве, УЕФА отвори истрага за Суперлигата

Европската куќа на фудбалот го зголеми притисокот врз Реал Мадрид, Барселона и Јувентус откако официјално отвори дисциплинска постапка, медиумите шпекулираат дека на клубовите им се заканува забрана за настап во Лигата на шампиони од две години.

УЕФА и Александар Чеферин најавија дека нема да им погледаат низ прсти на клубовите кои се обидоа да формираат Суперлига. Оние кои се пишманија и се повлекоа од проектот (Манчестер јунајтед, Манчестер Сити, Челси, Тотнем, Ливерпул, Арсенал, Интер, Милан и Атлетико Мадрид) постигнаа договор за казната, која е минимална.

Но Реал Мадрид, Барселона и Јувентус одбиваат да се спогодат, ниту пак да го напуштат проектот за Суперлига. Притисокот врз овие клубови сега се зголемува откако УЕФА и официјално отвори постапка.

„Во согласност со членот 31 (4) од дисциплинските правила на УЕФА, истражителите при етичката и дисциплинска комисија на УЕФА денеска добија задача да истражат можно кршење на правилата од страна на Реал Мадрид, Барселона и Јувентус со таканаречениот проект Суперлига“ - се вели во соопштението.

Александар Чеферин најви дека ќе биде особено строг за оние кои се уште веруваат во проектот а според пишувањата на медиумите, на Реал, Барса и Јувентус им се заканува забрана за настап во Лигата на шампиони од две години.

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе