Јувентус го промовираше Сари

Сари: Три години се будев со мислата како да го победам Јуве, а сега сум тука

Маурицио Сари денеска беше презентиран како нов тренер на италијанскиот шампион Јувентус.

Сари од Челси пристигна во Јувентус, а претходно беше тренер на Наполи кој беше најголемиот ривал на „старата дама“ во трката за скудетото.
 
„Три години се будев со прва мисла како да го победам Јувентус, бидејќи ние бевме најблиску до нив, морална задача ми беше да најдам начин како Наполи да го победи Јувентус“, вели Сари.
 
„Дадов 110% и не успеав да најдам начин. И пак би го направил тоа, би дал се, тоа беше спортско ривалство. Но сега мојот професионализам ме донесе тука за да дадам се од себе за овој клуб“.
 
„Во мојот живот сум ги почитувал сите и сум давал 110 проценти за секој дрес за кој сум работел. Така ќе биде и сега, ќе дадам се од себе“.
 
„Ми се допадна обединетоста која ја видов уште во првиот приод на Јувентус, тоа беше многу важно за мене. Ми требаа само неколку состаноци за да сфатам колку се посветени, силни и со каков менталитет се луѓето тука. Ми се допадна“.
 
„Имам 30 години искуство во преговарање со клубови и мислам дека досега научив да ги читам луѓето. Можам да прочитам кога некој вистински верува во вас“.
 
„Не се работи само за фразите, туку за нивното однесување, за начинот, приодот, напорот кој го прават за да дојдат до вас. Тоа покажува дека тие ве сакаат исклучиво вас за нивен тренер. Тоа беше најважно за мене“.

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе

Дали верувате дека до ова дереџе се дојде за една ноќ, еден месец, една година? Вистината е дека години се потребни за таков пад.

повеќе