Македонските фудбалери не се задоволуваат само со учество

Ристовски: Мрме рече дека на Европско одиме да одиграме повеќе од три натпревари

Стефан Ристовски вели дека кога селекторот Игор Англовски велел дека целта е пласман на Европско првенство, сите му се смееле, но тоа се случи, сега вели дека на континенталниот собир Македонија оди да одигра повеќе од три меча. 

Во интервју за „офф.нет“, Стефан Ристовски зборува на повеќе теми, а неизбежната е онаа за успесите на репрезентацијата на Македонија.
 
„Мрме уште од првиот состанок дојде и отворено кажа: „Дечки јас сум тука само за едно нешто, тоа е Европско првенство“. Во тоа време сите му се смееа, да се разбереме. А човекот веруваше и постепено, постепено стигна до тоа што многу генерации го сонувале“, вели Ристовски.
 
„Мрме првенствено е човек према тебе. Прав човек према целата соблекувална. Он буквално живее со нас. Не сака никогаш да ни става до знаење дека е над нас, туку со нас паралелно и тоа го практикува. Знае кога да подвикне, знае кога да се нашали, се во право време!“.
 
„Мислам дека и резултатски му се враќа и соблекувалната, играчкиот кадар му враќа на прав начин. Пред се е пријател со нас. Ако ви кажам дека ако не секој, па секој втор ден се слуша со нас и тоа ви е прав показател колку се почитуваме. Мислам утре и да не е он селектор тој контакт ќе остане така цврст. Знае што сака, искрен е во намерите и тоа му се враќа. Мрме го знае нашиот квалитет, знае како да ја постави екипата и тоа се одразува. Мислам дека Македонија го има правиот човек на чело“.
 
Ристовски вели дека целта на Европското првенство не е само да се биде присутен таму, туку да се помине и групната фаза.
 
„Видете штом Мрме кажа дека идеме таму да одиграме повише од 3 утакмици, тоа аутоматски се знае дека целта ни е да пројдеме група. Е сега како ќе биде, што ќе биде, ние идеме таму и нема што да изгубиме. Идеме со отворен гард. Ги знаеме нашите квалитети, знаеме како да играме со големи репрезентации, знаеме да играме и со помали али таму нема мали, таму си на Европско првенство, се гледа секој даден гол секој примен гол... Ќе видиме ако ни се поклопат коцки и среќа малце се надевам ќе се исплати цела авантура“.
 
Целото интервју можете да го прочитате на овој ЛИНК.

Програмата за вакцинација во Бугарија може исклучиво да се окарактеризира како фијаско. 

повеќе

Вакцинирањето преку ред, слабата стратегија и лошата комуникација со јавноста ги обележаа првите месеци на вакцинирање во Хрватска која во моментов е близу дното на ЕУ во однос на процентот на вакцинирана популација. 

повеќе