Лига Европа квалификации

Ренова психолошки се подготвува за Хајдук, сплитскиот тим верува во победа

Утре со почеток од 15:30 Ренова има нов предизвик во квалификациите од Лига Европа, излегува на мегдан со Хајдук, мечот се игра на теренот на тренинг центарот „Петар Милошевски“ во Скопје. 

Фото: ФК Хајдук / Миро Габела
Хајдук е фаворит, но Ренова нема да излезе со бело знаме, тренерот Бујар Ислами вели дека пред се психолошки се подготвуваат за овој дуел.
 
„Не треба да се трошат зборови за Хајдук, тие се фаворити, но ние сме подготвени. Најмногу психолошки се подготвувавме. Верувам дека психолошката подготовка е најважна во овие натпревари кога играте против вакви фаворити“, вели Ислами.
 
„Ги анализиравме, имаат силни индивидуалци, треба да бидеме претпазливи и на прекините. Желбата и дисциплината ќе бидат наши адути, треба да ги искористиме и нивните слаби точки“.
 
Тренерот на Хајдук, Хари Вукас верува дека неговиот тим фаворитската улога која ја има на хартија ќе ја оправда и на терен.
 
„Ние бевме носители во ждрепката и јасно е дека сме фаворити. Но мора тоа да го покажеме и на теренот, од првата минута да се наметнеме на теренот, да ја имаме топката во нозете и да бараме дупка во одбраната на противникот, треба да се обидеме колку што е можно порано да постигнеме гол, тоа ќе ни ја олесни работата“, вели Вукс.
 
„Не сакам да ја потценам македонската лига, но хрватската е поквалитетна, и ние сме поквалитетна иако против нас ќе имаме компактен тим кој долго време игра заедно. Мора од првата минута да влеземе сериозно, мотивацијата е голема кога се игра во Европа, па не треба дополнително да ги мотивираме играчите“.

Легенда под Главна слика

Фото: ФК Хајдук / Миро Габела

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе