Стратегот ќе може да ја каже својата страна од приказната

Реал не губи време, закажана презентацијата на Лопетеги

Реал Мадрид нема да чека да се симне прашината по шокантен отказ на Хулен Лопетеги од кормилото на Шпанија и вечерва во 19 часот на Сантијаго Бернабеу ќе го промовира стратегот како наследник на Зинедин Зидан

Хулен Лопетеги ја однесе Шпанија на светско но нема да ја предводи „Фуријата“ во Русија и мундијалот ќе го следи од дома откако вчера федерацијата донесе шокантна одлука и му врачи отказ на еден ден пред почетокот на СП 2018.

Луѓето од ФФШ беа гневни поради тоа што беше објавено дека тој се договорил со Реал Мадрид да го наследи Зинедин Зидан на кормилото на Сантијаго Бернабеу. Наводно преговорите се воделе во тајност а претседателот бил известен пет минути пред „Кралевите“ да го испратат соопштението.

Иако имаше закажана прес конференција за вчера, стратегот не се појави пред новинарите во Краснодар, само си ги спакува куферите и замина за Мадрид. Тој сепак вечерва ќе може да ја каже својата страна од приказната.

Шампионот на Европа реши да не губи многу време и во 19 часот на Сантијаго Бернабеу закажа средба со медиумите на која ќе го промовира Хулен Лопетеги за нов тренер.

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе