Суперкуп

Реал Мадрид го победи Ајнтрахт и по петти пат го крена трофејот во Суперкупот на Европа (ВИДЕО)

Реал Мадрид со 2-0 го победи Ајнтрахт Франкфурт на стадионот во Хелсинки и го освои европскиот Суперкуп, петти по ред со што се изедначи со Барселона и Милан. 

Реал Мадрид влезе како голем фаворит во дуелот со Анјтрахт од Суперкупот и таквата улога ја оправда и на теренот.
 
Анчелоти натпреварот го почна со истите фудбалери со кои ја освои и Лигата на шампионите, а подоцна во мечот им даде шанса и на новите засилувања.
 
Реал Мадрид доминираше во најголем дел од натпреварот иако и Ајнтрахт имаше свои шанси за погодок кои не ги искористи.
 
Резултатот беше отворен во 37. минута кога Касемиро со глава асистираше до Алаба, а тој ја погоди празната мрежа постигнувајќи го можеби најлесниот гол во својата кариера. Реал Мадрид поведе со 1-0.
 
 
Кралскиот клуб ја контролираше играта, немаше големи проблеми, а во 65. минута го зголеми водството на 2-0 и ги реши сите дилеми. Тогаш по асистенција од Винисиус, Бензема постигна гол за 2-0, што беше и конечен резултат.
 
 
Со овој гол Бензема стана вториот најдобар стрелец во историјата на Реал Мадрид поминувајќи го Раул.
 
Реал Мадрид го освои првиот трофеј оваа сезона од можните шест кои ги има пред себе.

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе

Од општи формулации кон конкретни разговори.

повеќе

„Вчерашниот ден измина, утрешниот допрва доаѓа, го имаме само денес - да започнеме“.

повеќе