Бугарија ја очекува голема казна поради расизам на мечот со Англија

Рашфорд го пофали бугарскиот капитен Попов: Секоја чест, таков гест не треба да остане незабележан

Англиската репрезентација имаше непријатно гостување во Бугарија иако се врати со голема победа од 6-0, од трибините на стадионот во Софија фудбалерите беа навредувани на расна основа.

Дел од бугарските навивачи го покажаа примитивизмот во себе, со мајмунски извици ги навредуваа црномурестите фудбалери во англиската репрезентација, а упатуваа и фашистички поздрави од трибините.
 
Мечот беше двапати прекинуван поради расистичките испади на Бугарите, а УЕФА треба драстично да ги казни со цел да послужат и како пример за неприфатливо однесување.
 
На полувремето кога останатите фудбалери заминаа во соблекувалната, бугарскиот капитен Ивелин Попов отиде кај проблематичните фанови и ги молеше да се однесуваат нормално бидејќи најголема штета од нив ќе има бугарскиот фудбал.
 
„Не беше лесно да се игра, ова не смее да се случува во 2019 година. Горд сум што се издигнавме над ова и ги освоивме трите бода, но ова треба да се сопре еднаш засекогаш“, вели напаѓачот на Англија, Рашфорд.
 
„Ми беше кажано што направил капитенот на Бугарија на полувремето. Да застанете сам и да пробате да ги поравите работите ви е потребна храброст и ваквите гестови не треба да останат незабележани“.

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе