Квалификации за Лига Европа

Работнички ја доби првата битка со Хонвед

Работнички со 2-1 славеше во првиот натпревар од квалификациите за Лига Европа против Хонвед, македонскиот тим може да жали што не го направи тоа многу поубедливо.

На натпреварот кој се играше на тренинг центарот на ФФМ, „Петар Милошевски“, Работнички беше подобар тим и победата над фаворизираниот Хонвед можеше да биде изразена со повеќе голови разлика.
 
Резултатот беше отворен по половина час игра кога по асистенција од Оливер Пеев, Петар Петковски постигна гол за водство од 1-0.
 
За жал Работнички не успеа да го издржи првото полувреме без примен погодок иако немаше доволно закани од противникот. Во судиското продолжение од првиот дел Наџи со вистинска бомба од далечина изедначи на 1-1.
 
По 15 минути игра во вториот дел Работнички успеа да го врати водството, Шаркоски постигна гол по центаршут на Стевановиќ за 2-1.
 
До крајот на мечот Душан Стевиќ и Филип Петковски пропуштија убави шанси за гол.
 
Реваншот во Будимпешта се игра во вторник од 18 часот, предност за Работнички ќе биде тоа што ќе се игра пред празни трибини поради казната која ја издржува Хонвед.
 
 
Фото: ФК Работнички

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе