Лига на шампиони

Прво финале во Лигата на шампионите за Манчестер Сити, ПСЖ испадна (ВИДЕО)

Манчестер Сити со 2-0 го победи ПСЖ и со вкупни 4-1 се пласираше во финалето од Лигата на шампионите каде ќе се бори за првата историска титула во ова натпреварување. 

ПСЖ со негатива од 2-1 го почна мечот во Манчестер, во претходните дуели на гостувањата беа подобри, па се надеваа дека и овојпат може да биде така, но не беше.
 
Манчестер Сити одигра одлична тимска партија, момците на Пеп Гвардиола беа исклучително мотивирани и дојдоа до нова победа.
 
Махрез во 11. минута го отвори натпреварот, а во 63. минута ги постави конечните 2-0.
 
Фудбалерите на ПСЖ изгледаа немоќно и себично, а нивната фрустрација беше особено видлива по вториот примен гол. Почнаа да играат грубо, а при еден таков старт Ди Марија заработи директен црвен картон.
 
На крајот Манчестер Сити заслужено се најде во финалето каде ќе го чека подобриот од дуелот меѓу Челси и Реал Мадрид.

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе