Најдобрата партија за крај

Прв бод за Вардар во Лига Европа, Розенборг се спаси од пораз (ВИДЕО)

Вардар одигра 1-1 против Розенборг во последното коло од Лига Европа и го освои првиот, историски европски бод во групна фаза, но „црвено-црните“ можат да жалат што не дојдоа и до победа.

Во последното коло од Лига Европа, Вардар го одигра најдобриот натпревар, Розенборг беше на работ на пораз, но македонскиот шампион не ги искористи шансите кои ги имаше, а противникот даде лесен погок.
 
Вардар одлично го почна натпреварот, уште во деветата минута поведе со 1-0. Демири нафрли до Николов кој убаво со гради спушти до Итало а тој рутинирано ја смести топката во мрежата на Розенборг за водство на Вардар.
 
Следуваа неколку големи шанси за Вардар преку Итало, во првиот обид голманот Хансен среќно одбрани, а во следната прилика Бразилецот ја погоди стативата.
 
Вардар доминираше на теренот, но пред крајот на полувремето непромислен потег на Гачевски, го фаулираше Адегбенро судијата покажа на белата точка. Бендтнер погоди од белата точка за израмнување на 1-1.
 
По шест минути игра во вториот дел, Фелипе од слободен удар имаше можност, но биеше за малку над голот.
 
Во 75. минута Фелипе нафрли од слободен удар, Новак биеше со глава, голманот Хансен со крајни напори спречи ново водство на Вардар.
 
До крајот на мечот Вардар се обидуваше да дојде до победата, но не успеа уште еднаш да ја затресе мрежата на Розенборг.
 
Вардар со еден бод го заврши првиот, историски настап во Лига Европа кој го почна со очајна игра, но како го стекнуваше потребното искуство прикажуваше подобри партии кои кулминираа вечерва со ремито против Розенборг.
 
 

Природната и суровата храна се заменува со фабрички подготвени оброци и со обработена храна.

повеќе

Гувернерот, кој и да е, не е ничиј должник. Ниту на предлагачот, ниту на тие што ќе го изгласаат.

повеќе

Родовото прашање е клучен двигател за резултатите на здравството.

повеќе