Мечот меѓу ПСЖ и Башакшехир се прогнозираше дека ќе помине неприметно поради тоа што немаше големо резултатско значење, а на програмата имаше многу поинтересни мечеви од Лигата на шампионите, но напротив, овој дуел беше во центарот на вниманието. Причина е големиот расистички скандал кога судија навреди член на гостите.
Турскиот претседател Реџеп Тајп Ердоган се јави по мечот преку социјалните мрежи и го осуди расизмот.
„Силно ги осудувам расистичките навреди што ги доби Пјер Вебо, еден од претставниците на стручниот штаб на Башкшехир и верувам дека УЕФА ќе ги преземе неопходните чекори. Ние безусловни сме против расизмот и дискриминацијата во спортот и во сите сфери на животот“, напиша Ердоган на својот твитер профил.
Temsilcimiz Başakşehir’in teknik ekibinden Pierre Webo'ya karşı sarf edilen ırkçı sözleri şiddetle kınıyor, UEFA tarafından gereken adımların atılacağına inanıyorum.
— Recep Tayyip Erdoğan (@RTErdogan) December 8, 2020
Sporda ve hayatın tüm alanlarında ırkçılığa ve ayrımcılığa kayıtsız şartsız karşıyız. #Notoracism
