Премиерлига

Премиерлигашите изгласаа правило кое може да ги расипе плановите на Њукасл

18 од 20 клубови од Премиерлигата донесоа правило кое може да ги лимитира финансиските проекции на Њукасл. Правилото е привремено, трае еден месец, но во меѓувреме се разговара тоа да стане трајно.

Правилото гласа дека клубовите од Премиерлигата не смеат да потпишуваат спонзорски договори со бизниси кои се поврзани со нивните сопственици.

Одлуката беше итно донесена со цел да се оневозможи новите газди на Њукасл да потпишуваат вештачко високи договори со компании од Саудиска Арабија кои се поврзани со новите газди на клубот.

18 клубови гласаа за ова правило, против беше единствено Њукасл, а асптинираше Манчестер Сити.

Правилото за финансиски фер плеј во Премиерлигата кое моментално е на сила, им дозволува на клубовите да имаат максимум загуба од 105 милиони фунти во период од три години.

Најголемиот дел од клубовите од Премиерлигата стравуваат дека Њукасл веднаш ќе почне со потпишување на мега спонзорски договори за да може да биде во дебел плус кој ќе му овозможи трошење за креирање на моќен тим.

„Доколку не ја донесевме оваа забрана, ништо не можеше да го сопре Њукасл, пример да потпише годишен договор за 100 милиони фунти за правата на нивниот стадион со компанија од Саудиска Арабија која е поврзана со нивните сопственици. Потоа тие пари ќе можат да ги користат за купување на фудбалери во јануари и да ги заобиколат правилата на Финансискиот фер плеј“, вели еден од претставниците на клубовите.

Донесеното правило е привремено со рок на траење од еден месец, додека во меѓувреме се подготвуваат перманентни правила за овој проблем.

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе