Младиот дефанзивец заработи повик за мечот во Лига Европа

Пред една година беше на хемотерапија, а денес е во првиот тим на Манчестер јунајтед

„Ѓаволите" го соопштија составот за гостувањето кај Астана во Лига Европа, повик заработи и младиот Макс Тејлор кој ова време минатата година добиваше хемотерапија и се бореше со тешка болест.

Манчестер јунајтед веќе обезбеди пласман во групната фаза од најелитното европско натпреварување, па за дуелот со Астана и гостувањето во Казахстан се очекува на теренот да излезе мешан состав и Оле Гунар Солшер шанса да им даде на неколку млади играчи.

За медиумите интересен е повикот кој го заработи 19 годишниот Макс Тејлор, кој ова време минатата година добиваше хемотерапија. Дефанзивецот се бореше со рак на тестисите, ја победи тешката болест и во септември доби дозвола да се врати на терените.

Тој веќе иммаше меч за У23 тимот на Манчестер јунајтед и во четврток би можел да дебитира за првиот тим.

„Очигледно Оле на неколкумина од нас ни даде шанса да патуваме со првиот тим, и се надевам, дел ќе добијат и шанса да играат. Ова време минатата година, бев во првите недели од хемотерапија, и не помислував дека за 12 месеци ќе патувам со првиот тим. Не ме интересира какви се временските услови, тоа што сум со тимот е огромна работа. Од мали нозе сонувам да бидам дел од првиот тим на Манчестер јунајтед“ - вели Макс Тејлор.

Условите за игра во Казахстан ќе бидат прилично тешки, се очекуваат температури од 10 степени под нулата. Се говори дека играчите на Манчестер јунајтед биле советувани да не го напуштаат хотелот доколку немаат потреба од тоа.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе