Премиерлига

Познат распоредот во Премиерлигата, дерби уште во првото коло!

Новите возбудувања во најсилното првенство на Англија започнуваат на 11-12 август, љубителите на Премиерлигата ќе видат дерби уште во првото коло кога Арсенал ќе го пречека Манчестер Сити

Унаи Емери ќе биде ставен на тест веќе на стартот од својата авантура на кормилото на Арсенал, стретегот за прв противник ќе го има Пеп Гвардиола и шампионскиот тим на Манчестер Сити.

Дуелот помеѓу „Топчиите“ и „Граѓаните“ е дербито на првото коло од новата сезона во Премиерлигата кое ќе биде на програмата на 11-12 август.

Овој викенд, вецешампионот Манчестер јунајтед ќе го пречека Лестер, Ливерпул е домаќин на Вест Хем, Тотенхем гостува кај Фулам а Хадерсфилд го пречекува Челси.

Шампионот на Чемпионшип, Вулверхемтон се среќава со Евертон, повратниот Фулам исто така игра на домашен терен против Кристал Палас, а Кардив гостува кај Борнмут. Во последните два натпревари од отварањето на новата сезона, Саутемптон е домаќин на Барнли, а Ватфрод се среќава со Брајтон на Викариџ Роуд.

Пеколниот старт за Емери продолжува и во второто коло, кога Арсенал гостува кај градскиот ривал Челси.

Од поинтересните средби, дербито на Манчесестер е на програмата на 10. ноември, кога „Граѓаните“ ќе ги пречекаат „Црвените ѓаволи“. Тотенхем ќе го има првиот натпревар на новиот стадион вреден 850 милиони фунти во 4. коло, а противник ќе им биде Ливерпул. Лутото дерби на Северен Лондон помеѓу „Спарси“ и Арсенал е на програмата на 1. декември.

Во декември се игра и Мерсисајд дербито, на Енфилд пристигнува Евертон, а во овој месец Ливерпул го пречекува и стариот ривал Манчестер јунајтед.

Целиот распоред можете да го погледнете ТУКА.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе