Најлошиот период од кариерата на Роналдо

Португалците сакаат Роналдо да седне на клупа и во нивната репрезентација

Пред мечот со Шпанија, дел од португалските медиуми и навивачи бараа селекторот да го седне на клупа Кристијано Роналдо, но тоа не се случи, сега притисокот врз него е уште поголем. 

Ова може да се опише како најлош период во досегашната кариера на Кристијано Роналдо. Тој е на клупата на Манчестер јунајтед, а и во Португалија почнаа да бараат да не биде стартер.
 
Роналдо стартуваше само на три натпревари под водство на Тен Хаг, а од тие Манчестер јунајтед победи само на еден.
 
Без него тимот влезе во добра форма, па се очекува и на идните натпревари да почнува од клупата.
 
Роналдо имаше лош натпревар против Чешка иако Португалија победи. Па португалскиот весник „А Бола“ пред мечот со Шпанија излезе со наслов: „Помалку Роналдо, повеќе Португалија“.
 
 
Нивната поента беше дека поради малата минутажа во Манчестер јунајтед, Кристијано Роналдо не е во најдобра форма и не треба да биде стартер.
 
Селекторот Фернандо Сантос, не ја послуша јавноста, Роналдо го одигра целиот меч против Шпанија, но повторно беше лош.
 
Португалија го загуби натпреварот и не успеа да се пласира во завршницата од Лигата на нации.
 
Роналдо пред некој ден рече дека сака за Португалија да игра и на Европското првенство во 2024, но тој треба прво да ја убеди јавноста дека треба да биде стартер и за Светското првенство во Катар.
 
 

Трендот на заминување на младите од родната земја е загрижувачка појава која се случува во Македонија.

повеќе

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе