Стратегот во Париз до 2023

Покетино го обнови договорот со ПСЖ но дозна лоши вести од Мбапе

Маурисио Покетино ја продолжи соработката со ПСЖ и стави потпис на договор до 2023 година, но големи се шансите да остане без една од главните ѕвезди на тимот, односно Килијан Мбапе.

ПСЖ попладнево соопшти дека Маурисио Покетино ставил потпис на нов договор и се обврзал кон „светците“ до 2023 година. Клубот од Париз реши да му укаже доверба на стратегот и покрај тоа што остана без титулата во Франција, а во Лигата на шампиони беше елиминиран во четвртфиналето. 

Но не е се розово за Аргентинецот, неколку извори пренесуваат дека Маурисио Покетино имал средба со Килијан Мбапе, на која напаѓачот го известил тренерот дека нема намера да стави потпис на нов договор. 

Килијан Мбапе му пренел на Маурисио Покетино дека е подготвен да ја одигра сезоната доколку ПСЖ не го продаде, но планот му е да замине. Ако тоа не се случи ова лето, тогаш следното.

Размислуваме како можеме да ја заштедиме и заштитиме водата, но само додека немаме вода!

повеќе

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе