Се бара нов инвеститор

По разделбата со Роналдо, од Олд Трафорд нова „бомба“: Манчестер јунајтед оди на продажба

Манчестер јунајтед ги потврди написите кои велеа дека семејството Глејзер побарало совет од банките за продажба на клубот, Американците се свесни дека се потребни инвестиции, но не им се дава пари па затоа повлекуваат ваков чекор.

Во интервјуто на Кристијано Роналдо, по кое беше раскинат договорот на Португалецот, напаѓачот имаше сериозни замерки за Манчестер јунајтед, односно како ништо не се променило во последните 13 години и „ѓаволите“ немале никаков прогрес.

Тој посочи дека Реал Мадрид и Јувентус ги следат последните технологии, и секогаш се обидуваат да имаат прогрес во условите за тренинг, исхрана и како да се рекуперира по натпреварите, а тоа не било случај со Манчестер јунајтед.

Сопствениците на клубот, семејството Глејзер се свесни дека треба да се инвестира во инфраструктурата, Олд Трафорд и засилување на составот, но очигледно не им се дава пари, па побарале совет од банките за продажба на клубот.

Неколку извори од Англија пренесуваат дека се разгледува опцијата за продажба на дел од акциите или пак целосна продажба на клубот, а како опција е и стратегиско партнерство со трета страна.

Доцна вечерва, Манчестер јунајтед со соопштение ги потврди написите и пренесе дека е започнат процес со кој ќе се гарантира растот во иднина.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе