Лига Европа

По 49 години Динамо Загреб избори пласман во елиминациската фаза во Европа!

Динамо Загреб со Аријан Адеми во тимот со 3-1 ја победи Спартак Трнава и на две кола до крајот на групната фаза со 12 бодови го завери учеството во елиминациите во Лига Европа.

Динамо Загреб за прв пат по 49 години ќе игра во елиминациона фаза во европско натпреварување. Хрватскиот тим редовно беше елиминиран во групната фаза, но овој пат на две кола пред крајот го помина тоа ниво.
 
Денеска „модрите“ ја совладаа Трнава со 3-1. А Аријан Адеми ги одигра сите 90 минути и како капитен го предводеше неговиот тим до победата.
 
По четири одиграни кола Динамо Загреб има 12 бода, пет повеќе од Фенербахче и дури девет од Трнава.
 
Спортинг Лисабон без Стефан Ристовски кој е во аут поради повреда, издржа на Емирати играјќи без голови против Арсенал.
 
Нерешено заврши и дуелот меѓу Бетис и Милан, 1-1. Најефикасно беше на мечот меѓу Розенборг и Салцбург кој го добија гостите со 5-2, пет гола даде и Олимпијакос во дуелот со Дуделанж победувајќи со 5-1.
 
Баер Леверкузен со 1-0 славеше против Цирих, Селтик со 2-1 го совлада Лајпциг, 1-1 заврши дуелот меѓу Бордо и Зенит. Немаше голови на дуелите Лудогорец - АЕК Лрнака и Славија Прага - Копенхаген, Карабак со 1-0 победи на гостувањето кај Ворскла.
 

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе