Серија А

Пет гола и драма до последната секунда, Интер го доби дербито со Милан (ВИДЕО)

Големото градско дерби на Милано заврши со победа на Интер, „нероаѕурите" го издржаа доцниот притисок на Милан и славеа со 2-3.

Милан влезе како фаворит во 170-то „Дерби дела Мадонина“, „росонерите“ имаа пет победи во низа во Серија А и цел состав на располагање, додека пак Интер е во криза, Икарди одбива да тренира, резулатите не се на потребното ниво а и неколку играчи се повредени.

Сепак „нероаѕурите“ одлично го отворија мечот, една нафрлена топкна на Перишиќ, Мартинез ја спушти во петерецот каде Весино небранет од неколку метри ја затресе празната мрежа за 0-1.

На стартот од второто полувреме, Де Врај скокна највиско по еден корнер и донесе предност за гостите од 0-2. Милан сепак брзо се врати во игра и преку Бакојоко намали на 1-2 во 57. минута.

Десет минути подоцна, се случија комични сцени на Сан Сиро. Политано падна по еден минимален контакт со Кастиљехо на работ од шеснаесетникот, а судијата Гвидо убаво се лизна и се испотепа, а кога стана покажа на белата точка на неверување на домаќините.

Лаутаро Мартинез ја превзеде одговорноста и реализираше за 1-3 во 67. минута од мечот.

Но ниту овој гол не го скрши Милан, Мусакио најдобро се снајде по една мешаница пред голот на Хандановиќ, намали на 2-3 и најави интересна завршница.

Конти во последните мигови од регуларниот дел доби црвен картон за опасен старт врз Лаутаро Мартинез, но со ВАР и прегледување на снимките, одлуката беше преиначена во жолт картон па домаќините продолжија да притискаат за изедначување.

Милан можеше да дојде до бод во финишот од мечот, но Хандановиќ најпрво со чудесно одбрани со рамо по ударот на Кастиљехо за во последните мигови Д’Амброзио расчисти од гол-линијата.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе