Србинот претставен како ново засилување на Реал Мадрид

Перез до Јовиќ: Имаше фантастична сезона, но нашите фанови ќе бараат уште повеќе од тебе

Лука Јовиќ денеска и официјално беше презентиран како ново засилување на Реал Мадрид, српскиот фудбалер стави потпис на договор до 30 јуни 2025 година.

Лука Јовиќ ќе биде новиот напаѓач на Реал Мадрид за следната сезона, тој денеска беше и официјално презентиран на Сантијаго Бернабеу.
 
„Ти имаше фантастична сезона со 27 голови со што беше еден од најдобрите стрелци во Европа, но нашите фанови ќе бараат многу повеќе бидејќи знаат што можеш да понудиш со својот огромен квалитет. Па ти си пред најголемиот предизвик во твојата кариера“, му се обрати Флорентино Перез на Јовиќ.
 
„Ние многу добро знаеме дека другите големи клубови сакаа да сметаат на твојот талент. Но ти сакаше да бидеш дел од овој мит каков што е Реал Мадрид и се бореше да влезеш во него. Пристигнувањето на Сантијаго Бернабеу беше еден од твоите соништа и ова е дресот за кој ни кажаа дека како мал си спиел со него. Ти благодариме што го одбра овој беџ и овој дрес во кој ќе продолжиш да се развиваш во еден од најдобрите напаѓачи во светот“.
 
Јовиќ вели дека е најсреќниот човек во светот во моментов.
 
„Сега сум најсреќниот човек во светот поради тоа што потпишав договор со најголемиот клуб. Одлуката беше тешка, но уверен сум дека го направив вистинскиот избор. Ќе дадам се од себе за да му помогнам на Реал Мадрид да освои уште повеќе титули. Ви благодарам на сите“, изјави српскиот напаѓач.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе