СП 2022

Од денеска почнуваат и големите, Англија и Холандија ги играат првите свои дуели на СП

По синоќешната увертира меѓу Катар и Еквадор, Светското фудбалско првенство денеска почнува со поатрактивни натпревари, на програмата се три меча, Англија - Иран, Сенегал - Холандија и САД - Велс.

Дуелот меѓу Катар и Еквадор беше едно од најнеатрактивните отворања на Светското првенство, па вистинските мундијалски возбудувања започнуваат денеска.

Поради тоа што синоќа се одигра мечот меѓу Катар и Еквадор, денеска на програмата се три дуели, а од утре ќе има по четири натпревари дневно.

Денот започнува со мечот меѓу Англија и Иран кои играат од 14 часот. Англичаните се апсолутен фаворит на овој дуел, селекторот Саутгејт за првиот меч на Мундијалот нема да може да смета на Медисон и Вокер кои се уште не се 100 проценти фит.

Од 17 часот е дуелот меѓу Сенегал и Холандија. Сенагалците на ова Светско првенство се без својата главна ѕвезда, Садио Мане и тоа ќе биде голем хендикеп за нив. Холандија денешниот меч ќе го игра без Мемфис Депај кој се уште не е опоравен од повредата.

Денот ќе заврши со дуел меѓу САД и Велс, тој натпревар почнува од 20 часот. Американците кои имаат постојан напредок во изминатите години, ќе се соочат против селекцијата каде главна ѕвезда е Герет Бејл. За разлика од првите два меча, тука нема очигледен фаворит.

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе