Серија А

Нов тренер и веднаш победа, три бода за Џенова кај Специја, асистенција за Пандев (ВИДЕО)

Џенова го промени тренерот и тоа веднаш се почувствува, Балердини почна со победа, Горан Пандев беше асистент во триумфот од 2-1 кај Специја, Наполи повторно разочара, овој пат се спаси од пораз против Торино. 

Џенова освои три важни бода против директен конкурент за опстанок и тоа на негов терен, ја совлада Специја со 2-1.
 
Новиот тренер Балердини го стави Пандев во стартниот тим и тоа вроди со плод, нашиот капитен беше асистент во 16. минута за гол на Дестро со кој Џенова изедначи на 1-1.
 
Победничкиот гол беше дело на Кришито од пенал во 73. минута.
 
Пандев излезе две минути подоцна, откако Џенова веќе го имаше водството што беше и конечен резултат.
 
По двата порази едно по друго, Наполи беше на работ на уште еден, но Инсиње со гол во 93. минута донесе бод. Но 1-1 против Торино е слаб резултат за тимот на Гатузо.
 
Елиф Елмас почна од клупата, но рано влезе, во 30. минута кога се повреди Деме.
 
Интересен беше мечот меѓу Рома и Каљари кој го доби волчицата со 3-2. По еден гол постигнаа Верету, Џеко и Манчини.
 
Несторовски ги одигра последните 15 минути од мечот меѓу Удинезе и Беневенто, неговиот тим загуби со 2-0.
 
Аталанта водеше со 2-0 кај Болоња, но ја прокоцка предноста, мечот заврши 2-2.
 
Пет голови имаше на дуелот меѓу Сампдорија и Сасуоло кој го добија гостите со 3-2. 
 

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе