Серија А

Незапирливиот Пјонтек изедначи рекорд стар 21 година, Милан го совлада Емполи (ВИДЕО)

Кшиштоф Пјонтек продолжува да ги тресе противничките мрежи, Полјакот вечерва изедначи постигнување од 1998 и ги трасираше „росонерите" кон победа од 3-0 над Емполи.

На стартот од 25. коло во Серија А, Милан славеше во дуелот со Емполи. Избраниците на Гатузо беа прилично тивки во првиот дел, Пакета погоди во 10. минута но ВАР оправдано го поништи голот поради офсајд.

По ова возбудување, домаќините не успеаја посериозно да се заканат по голот на гостите, а ниту пак Емполи беше расположен за разигрување.

Сепак, Милан се  разбуди на почетокот на вториот дел и за две минути ги реши дилемите околу победникот. Најпрво Чалханоглу му асистираше на Пјонтек за 1-0 во 49. минута, за потоа Кастиљехо одлично да го проигра Кеси, кој мајсторски лобуваше за 2-0 во 51. минута од мечот.

Конечниот резултат го постави Кастиљехо, кој на поблиската статива само постави нога и рутински го смести додавањето на Конти во мрежата на гостите.

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе