Инсиње блескаше

Наполи без Елмас го растури Ливерпул во Единбург (ВИДЕО)

Наполи го фрли европскиот шампион Ливерпул на колена, „наполитанците" без нашиот Елиф Елмас го добија пријателскиот меч во Единбург со 3-0.

На десетина дена пред почетокот на сезоната, Наполи го потсети актуелниот шампион на Европа дека нема простор за опуштање. Без Салах, Мане и Фирмино во форот, „црвените“ не беа опасни во нападот, а Наполи знаеше како да ја казни секоја грешка.

Резултатот го отвори Инсиње во 17. минута. Ориги загуби една топка, Наполи тргна во брза контра, а Италијанецот од врвот на шеснаесетникот погоди за 1-0.

Во 29. минута нова грешка на средината од теренот го чинеше Ливерпул гол, Инсиње му асистираше на Милик за 2-0.

Конечните 3-0 беа поставени на стартот од вториот дел. Инсиње доби топка во фор, овој пат Мињоле го одбрани неговиот удар, но Јунес најдобро се снајде во мешаницата која настана по одбиената топка и реализираше за 3-0.

Нашиот Елиф Елмас не беше дел од пресметката во Шкотска, тој остана во Димаро да работи на својот фитнес.

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе