Следува тренерска смена во Барселона

На Сетиен му нема спас, Покетино е фаворит за нов тренер на Барса и покрај тоа што е човек на нивниот голем ривал

Медиумите блиски до Барселона пишуваат дека Маурисио Покетино е фаворит за нов тренер на Барселона, Кике Сетиен наскоро ќе добие отказ.

Барселона синоќа не само што загуби од Баерн Минхен туку беше буквално понижена како никогаш досега. Неминовен е отказот на Сетиен, но фановите бараат многу подлабоки промени.

Сепак најпрво се почнува со шпекулациите за нов тренер, а каталонскиот весник „Спорт“ како фаворит го посочува Маурисио Покетино.

Тој и претходно се поврзуваше со тренерското место на Барселона, но неговото минато беше проблем да седне на клупата на Барса.

Покетино е човек на нивниот градски ривал, Еспањол. Како фудбалер помина дури девет сезони во Еспањол, таму играше од 1994 до 2001 и од 2004 до 2006 кога се пензионираше. 

Во 2009 година Покетино ја почна и тренерската кариера од Еспањол, се задржа три години па премина во Саутемптон, а од таму во Тотнем.

„Спорт“ тврди дека ако порано се гледаше како проблем фактот што Покетино е човек на Еспањол, сега раководството на Барселона е подготвено да премине преку тоа и да побара од него да седне на нивната клупа.

Како можно решение се споменува и Чави, но тешко дека тој би прифатил да стане тренер на Барселона во овој бурен период. Следната година следуваат и претседателските избори, па легендата на Барса сака да почека некои помирни денови за да го оствари својот сон.

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе