МЗТ и Работнички се избегнаа во четврт-финалето, ама можна е пресметката во полуфиналето

Најголемите кошаркарски ривали кај нас, екипите на МЗТ Скопје и на Работнички можно е првото годинешно вечно дерби да го одиграат во полуфиналето од Купот на Македонија, но претходно двете екипи ќе треба да ги минат четвртфиналните пречки – Струмица и Фени индустри.

Ова е епилог од денешната ждрепка на двојките од завршниот турнир во најмасовното натпреварување, кој ќе се одржи во периодот помеѓу 28 и 31 март. Во вториот дел од костурот, кој според сите оценки е многу полесен од првиот, во четврт-финалето силите ќе ги одмерат Кожув и Вардар односно Лирија и Куманово, кои си закажаа реприза од ланската завршница каде што исто така се сретнаа на почетокот од турнирот.

Организатор на куп-завршницата е спортскиот центар „Борис Трајковски“ во Скопје  каде што следниот викенд  најдобрите осум кошаркарски екипи ќе се борат за победничкиот пехар, кој во моментов е во сопственост на тимот на МЗТ.

„Чест за задоволство е да се биде организатор на овој голем настан. Ќе ги исполниме сите стандарди и нормативи потребни се да мине во најдобар ред. Се надеваме на промоција на спортска култура без насилство и навивање без никакви инциденти“, изјави директорот на спортскиот центар „Борис Трајковски“, Ратко Капушевски.

Билетите од четврфиналните и полуфиналните средби ќе чинат по 120 денари додека влезницата за големото финале ќе чини 150 денари. Од секој продаден билет за овој настан ќе бидат одвоени по 20 денари, кои ќе бидат донирани во хуманитарни цели и тоа за домот за деца без родители „11 Октомври“.

ЧЕТВРТ-ФИНАЛЕ (28 и 29 март)

(1) МЗТ Скопје – Струмица (18 ч.)

(2) Фени И. - Работнички (20.45 ч.)

(3) Кожув – Вардар (18 ч.)

(4) Лирија – Куманово (20.45 ч.)

ПОЛУФИНАЛЕ (30 март)

(5) Победник 1 – Победник 2 (18 ч.)

(6) Победник 3 – Победник 4 (20.45 ч.)

ФИНАЛЕ (31 март)

Победник 5 - Победник 6 (19 ч.)

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе