Премиерлига

Мурињо ја доби битката со Гвардиола, Тотнем го победи Манчестер Сити и се искачи на врвот во Премиерлигата (ВИДЕО)

Жозе Мурињо ја доби тактичката битка со Пеп Гвардиола, Тотнем со 2-0 го победи Манчестер Сити и повторно се искачи на врвот на табелата во Премиерлигата каде ќе биде најмалку до утре. 

Голема победа за Тотнем, три важни бода за тимот на Мурињо против директен ривал за највисок пласман.
 
Тотнем поведе уште во петтата минута кога по прекрасна асистенција од Ндомбеле, Сон постигна гол за водство од 1-0.
 
Рано стекнатата предност му овозможи на Мурињо да одигра затворено, дефанзивна беше тактиката на Португалецот, неговите фудбалери преку контри се обидуваат да го загрозат повторно Едерсон.
 
Манчестер Сити јалово кружеше околу голот, еднаш и постигнаа гол преку Лапорте, но погодокот беше поништен поради игра со рака на Габриел Жесус.
 
Во 65. минута по само 35 секунди откако влезе, Ло Селсо постигна гол по асистенција од Кејн, за водство од 2-0 на Тотнем што беше и конечен резултат.
 
По девет одиграни меча Тотнем е прв на табелата со 20 бодови, утре може да биде симнат од врвот само ако Лестер го добие дербито со Ливерпул.
 
Манчестер Сити има натпревар помалку но дури осум бода негатива во однос на Тотнем.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе