Заврши приказната на Португалецот на Олд Трафорд

Мурињо доби отказ од Манчестер јунајтед!

Заврши приказната на Жозе Мурињо во Манчестер јунајтед, Португалецот од денеска повеќе не е тренер на англискиот клуб, по две и пол години напушти кормилото на „црвените ѓаволи“.

Жозе Мурињо не успеа да ја заврши третата сезона на Олд Трафорд, Манчестер јунајтед му врачи отказ на Португалецот.
 
Мурињо имаше солидна прва сезона во која ја освои Лига Европа со Манчестер јунајтед и англискиот лига куп. Минатата сезона заврши на второто место во Премиерлигата, но оваа резултатите беа очајни.
 
Манчестер јунајтед е шести во Премиерлигата со 19 бодови помалку од лидерот Ливерпул од кој изгуби во неделата со 3-1.
 
Португалскиот стратег имаше и нарушени односи со неколку фудбалери меѓу кои со Пол Погба па атмосферата во тимот не беше на потребното ниво.
 
„Клубот сака да му се заблагодари на Жозе за неговата работа во Манчестер јунајтед и да му посака успех во иднина“, стои во соопштението на Манчестер јунајтед.
 
Тие ќе назначат привремен тренер до крајот на сезоната и ќе влезат во потрага по нов менаџер за новата сезона.
 
Мурињо од Челси доби отказ на 17. декември, а судбината сакаше од Манчестер јунајтед да биде избркан на 18. декември.

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе

Оваа појава почнува да претставува сериозна закана за учениците, но и грижа за родителите и наставниците.

повеќе

Пробацијата претставува клучна новина во реформата на нашиот пенитенцијарен и казненоправен систем и приоритетна цел на владината политика.

повеќе